Tēnā koutou e te iwi.

Nau mai rā e ngā uri o ngā tāngata, e ngā kaitūkau o te māra o Hineāmaru, e te iwi whānui ki Te Kura Kaupapa Māori o Taumārere e tū nei!

Tū nei te kura i raro i ngā pae maunga o Hikurangi - Ngā kiekie whāwhānui o Uenuku, me Mōtatau - Te tatau ki Te Reinga.  Ko ngā waiora o Waiharakeke e rere nei i te taha o te kura atu ki te pūaha o te awa rangatira - ko Taumārere herehere i te riri.  E kīa nei ko te māreretanga o ngā taura herehere o Pokopoko taniwha ki runga i a Rangiriri.

Tīhei mauri ora!